Azərbaycan Open qolf turniri

5-6 sentyabr 2026-cı il tarixlərində Xəyal Adasında yerləşən Dreamland Qolf Klubunda Azərbaycan Open qolf turniri keçiriləcək. Yarış Azərbaycan Qolf Federasiyasının təşkilatçılığı ilə baş tutacaq və müxtəlif ölkələrdən peşəkar, eləcə də həvəskar qolfçuları bir araya gətirəcək.

Turnirin məqsədi Azərbaycanda qolf idman növünün inkişafına dəstək vermək, bu sahəyə marağı artırmaq, beynəlxalq idman əlaqələrini genişləndirmək və idman turizminin təşviqinə töhfə verməkdir. Yarış beynəlxalq standartlara uyğun təşkil olunacaq.

İki gün davam edəcək turnirdə iştirakçılar müxtəlif kateqoriyalar üzrə mübarizə aparacaqlar. Yarışın yekununda fərqlənən idmançılar medal, kubok və digər mükafatlarla təltif olunacaqlar.