“Ümid Alpman” açıq taekvondo turniri

2-4 oktyabr 2026-cı il tarixlərində Fövqəladə Hallar Nazirliyinin İdman-Sağlamlıq Mərkəzində (FHN İSM) “Ümid Alpman” açıq taekvondo turniri keçiriləcək.

Turnirdə ölkənin müxtəlif bölgələrini təmsil edən taekvondoçular müxtəlif yaş və çəki dərəcələri üzrə qüvvələrini sınayacaqlar. Yarış iştirakçıların idman ustalığının artırılması, sağlam rəqabət mühitinin təşviqi və perspektivli idmançıların üzə çıxarılması baxımından mühüm əhəmiyyət daşıyır.

Üç gün davam edəcək turnir çərçivəsində qaliblər və mükafatçılar müvafiq diplom, medal və kuboklarla təltif olunacaqlar. Yarışın taekvondo idman növünün inkişafına və gənc idmançıların yarış təcrübəsinin zənginləşdirilməsinə töhfə verəcəyi gözlənilir.