Avropa Atletikası CEO Konfransı

Avropa Atletikasının üzv federasiyalarının prezidentləri və baş katiblərinin iştirak edəcəyi Avropa Atletikası CEO (Chief Executive Officer) Konfransı 14–16 aprel 2026-cı il tarixində Bakıda keçiriləcək. Tədbirin Bakı şəhərində yerləşən Baku Marriott Boulevard Hotelin müasir konfrans zalında təşkili nəzərdə tutulur.

Konfrans çərçivəsində Avropa atletikasının inkişaf perspektivləri, idarəetmə strategiyaları, federasiyalararası əməkdaşlıq və gələcək planlar müzakirə olunacaq. Tədbir Avropa Atletikasına üzv ölkələr arasında təcrübə mübadiləsinin gücləndirilməsi və atletika sahəsində beynəlxalq əlaqələrin möhkəmləndirilməsi baxımından mühüm əhəmiyyət daşıyır.

Yüksək səviyyəli beynəlxalq iştirakçıları bir araya gətirən bu konfrans Bakının idman və biznes tədbirləri üçün regional mərkəz kimi mövqeyini bir daha nümayiş etdirəcək.

📅 Tarix: 14–16 aprel 2026
📍 Məkan: Baku Marriott Boulevard Hotel, konfrans zalı