Cüdo üzrə Böyük Dəbilqə Turniri

16–17 fevral 2026-cı il tarixlərində Milli Gimnastika Arenasında möhtəşəm Bakı Böyük Dəbilqə turniri keçiriləcək. Dünyanın müxtəlif ölkələrindən idmançıların qatılacağı bu nüfuzlu yarış yüksək gərginlik və peşəkar səviyyəli görüşlərlə yadda qalacaq. Turnir ölkəmizdə cüdo idman növünün inkişafına və beynəlxalq idman əməkdaşlığının güclənməsinə mühüm töhfə verəcək.

Yarış Azərbaycan Respublikasının Gənclər və İdman Nazirliyi və Azərbaycan Cüdo Federasiyasının birgə təşkilatçılığı ilə keçiriləcək. Qaliblərə sonda medal və müxtəlif mükafatlar təqdim olunacaq.

Azarkeşlər üçün giriş sərbəstdir! Gəlin bu həyəcanı birlikdə yaşayaq!