Dağ velosipedi MTB-nin Enduro növü üzrə Federasiya Kuboku yarışının 2-ci mərhələsi

Dağ velosipedi həvəskarları üçün növbəti həyəcanverici tədbir yaxınlaşır. MTB-nin Enduro növü üzrə Federasiya Kuboku yarışının 2-ci mərhələsi 21 sentyabr tarixində saat 10:00-da Xocasən Dağ Velosipedi Parkında baş tutacaq. Yarış açıq xarakter daşıdığı üçün həm peşəkar, həm də həvəskar idmançılar iştirak edə biləcəklər.

Yarış iki yaş kateqoriyası üzrə təşkil olunacaq: 2008-ci il və daha böyük yaşlılar ilə 2009-cu il və daha gənclər. Tədbir idmançılar üçün bacarıqlarını nümayiş etdirmək, tamaşaçılar üçün isə maraqlı və həyəcanlı anlar yaşamaq imkanı yaradacaq. Bu yarış dağ velosipedi idmanının inkişafına, gənclərin sağlam həyat tərzinə marağının artırılmasına xidmət edir.

Bütün həvəskar və peşəkar idmançılar yarışda iştirak etmək üçün dəvət olunurlar.