“Turan” CEV Çempionlar Liqasının III təsnifat mərhələsi

Noyabrın 10-da saat 18:00-da Tovuz Olimpiya İdman Kompleksində qadın voleybolçular arasında CEV Çempionlar Liqasının III təsnifat mərhələsinin həlledici cavab oyunu baş tutacaq. Azərbaycan təmsilçisi “Turan” öz meydanında Bolqarıstanın güclü “Maritza Plovdiv” komandasını qəbul edəcək. Turnirin növbəti mərhələsinə vəsiqə qazanmaq baxımından bu qarşılaşma komandamız üçün taleyüklü əhəmiyyət kəsb edir.

Doğma divarlar arasında keçirilən bu gərgin idman mübarizəsində azarkeş dəstəyi voleybolçularımız üçün ən böyük motivasiya mənbəyi olacaq. Tovuz və ətraf bölgələrdən olan bütün idmansevərlər komandamıza tribunalardan güc vermək üçün kompleksə dəvət olunurlar. Beynəlxalq arenada ölkəmizi təmsil edən voleybolçularımıza bu vacib oyunda uğurlar arzulayırıq.